کاردان پوهنتون یو نړیوال پېژندل شوی تحصیلي بنسټ دی، چې د علمي لوړوالي پر اساس یې په کور دننه او بهر ټول پېژني. موږ د تجارت برخې پیاوړي متخصصین، کارپوهان او استادان را ټول کړي او د هغوی پرمټ هڅه کوو، چې خپلو محصلینو ته یو غوره تحصیلي چاپېریال برابر کړو. کاردان پوهنتون د هغو کسانو لپاره ډاډمن تحصیلي ځای دی، چې غواړي سوداګري، نړیوالې چارې او عامه اړیکې زده کړي. په اداره او تجارت کې د ماسټرۍ پروګرام صنفي فعالیتونه، علمي څېړنې، عملي کارونه او منظمې ضنفي لارښوونې لري، چې په هر پړاو کې له محصل سره متقابله مرسته او همکاري کېږي.