کور / د محصلینو د بریا مرکز / د محصلینو ګډون او د پروګرامونو جوړول

د محصلینو ګډون او د پروګرامونو جوړول

د محصلینو د ګډون او پروګرامونو دفتر اساسي موخه په بېلابېلو برخو کې د محصلینو وده او د ظرفیتونو لوړول دي. دې موخې ته د سلامشورې، رهبرۍ او همکارۍ له دریڅې رسېدنه کېږي. موږ له درسي ساحې د باندې د محصلینو د ګډون او ملاتړ په موخه بېلابېل سیمنارونه، پروګرامونه او کنفرانسونه جوړ او مدیریت کوو، کوم چې محصلینو او فارغانو ته د یوې له مانا ډکه علمي تجربې د ترلاسه کولو زمینه برابره وي. دغه تجربه د محصلینو د علمي، ټولنیزې او شخصي ودې او پیاوړتیا سبب ګرځي.

ولې باید برخه واخلو؟

په بېلابېلو پروګرامونو کې ګډون او برخه اخیستل ددې سبب ګرځي، چې تاسو د محصلۍ ترڅنګ نورو فعالیتونو ته هم مخه کړئ. برخه اخیستل ګڼ ډولونه لري، د بېلګې په ډول په یوې ثبت شوې ټولنه کې غړیتوب یا په یوه سمینار یا کنفرانس کې ګډون کول او یا هم د یوه علمي، کلتوري او تفریحي پروګرام مدیریت او یا هم دې ورته نور پروګرامونه، چې په ټوله کې له تاسو سره په فردي او مسلکي وده او پیاوړتیا کې خورا مرسته کولای شي. توپیر نه کوي، چې څه ډول ګډون کوئ. مهمه دا ده، چې ګډون کوئ.

د برخې اخیستو ګټې:

  • له تاسو سره مرسته کوي، چې له نویو ملګرو او له هغو سره چې ګډه وجه لرئ، وپېژنئ. کېدای شي له داسې محصلینو سره وپېژنئ، چې له هغوی سره یو ډول هیلې، اهداف او ارزښتونه ولرئ.
  • برخه وال محصلین کولای شي له پوهنتون، خلکو او چاپېریال سره ژورې اړیکې پیدا کړي او د پوهنتون دننه سرچینو سره لا ډېر بلد شي.
  • له پوهنتون څخه ترلاسه شوې تجربې د محصلینو د رضایت حس پیاوړی کوي.
  • تاسو ته په مختلفو ټولنیزو، علمي او کلتوري برخو کې د ودې او پیاوړتیا زمینه برابروي.
  • له محصلینو سره مرسته کوي، چې ټولنې جوړې کړي.
  • ددې ګډون په پایله کې تاسې پوهه، مهارتونه او د علمي زده کړې تجربه، اړیکې، سپورت، د ستونزو حل او له دې نور ډېر څه ترلاسه کوئ.

کاردان پوهنتون تل هڅه کوي، چې د فارغو شویو محصلینو لاسته راوړنې، بریالیتوبونه او تجربې له موجودو محصلینو سره شریکې کړي، څو فارغان د برحاله محصلینو لپاره یوه ښه بېلګه واوسي. د پوهنتون په فعالیتونو او پروګرامونو کې د فارغانو ګډون سبب کېږي، چې محصلینو له هغوی انګېزه واخلي او د فردي، ټولنیز او مسلکي ژوند د بریالیتوبونو له څرنګوالي څخه باخبره اوسي. فارغان د فارغو التحصیلانو په ټولنه کې له ګډون سره کولای شي تېر ته په کتو د راتلونکي لپاره ډاډمن ګامونه واخلي او د فارغانو ټولنې په پیاوړتیا کې رغنده رول ولوبوي.

اجمل نبی زاده

د محصلینو د ګډون او د پروګرامونو جوړولو مسول

events@kardan.edu.af


د مالوماتي پاڼې ډانلوډ


خبرونه


پوهنتون کاردان مقام دوم را در اولین نمایشگاه ملی نوآوری و ساینس به دست آورد

وزارت مخابرات و تکنالوژی معلوماتی افغانستان (MCIT) نخستین نمایشگاه ملی نوآوری و ساینس را به تاریخ ۲۹ دسمبر سال ۲۰۱۹ برگزار کرد که در این نمایشگاه بیش ...

محصلان پوهنځی حقوق پوهنتون کاردان در محکمه علنی مرکز عدلی و قضایی مبازره با فساد اداری اشتراک نمودند

محصلان پوهنځی حقوق پوهنتون کاردان در محکمه علنی مرکز عدلی و قضایی با جرایم سنگین شرکت نمودند و جریان محکمه را از نزدیک نظاره گر شدند.

در ...

برگزاری هفته رسانه ای پوهنتون کاردان با برنامه های متنوع

دیپارتمنت ژورنالیزم و ارتباطات عامه هفته گذشته را به عنوان هفته رسانه ای پوهنتون کاردان تجلیل نمود. این هفته شامل برنامه های متنوع مانند نمایشگاه عکاس...