کاردان پوهنتون د افغانستان لومړنی او مخکښ خصوصي پوهنتون دی. په 2002 کې تاسیس شوی، پوهنتون موخه د اکادمیک او مسلکي وړتیا هڅول دي. د ملي اعتبار تر څنګ، کاردان پوهنتون د سوداګرۍ زده کړې لپاره د اعتبار ورکولو نړیوالې شورا (IACBE) لخوا تایید شوی او د نړیوال سوداګریز ښوونځي شبکې (GBSN) کې د افغانستان یوازینی غړی دی. کاردان پوهنتون په علمي او څیړنیزو نوښتونو کې د غوره والي په لور د نوښتونو مخکښ دی. پوهنتون د خپل پنځه کلن ستراتیژیک پلان (2015-2020) برخې په توګه د تدریس او زده کړې کیفیت ښه کولو ، د پلي شوي څیړنې وړتیاو پیاوړي کولو او د نړیوالو څیړنیزو شراکتونو په وده باندې تمرکز کوي. کاردان پوهنتون له ګڼو ملي او نړیوالو بنسټونو سره چې د اعتبار ورکولو ادارو، کالجونو او پوهنتونونو او همدارنګه د صنعت مخکښو شریکانو په ګډون همکاري او مشارکت جوړ کړی دی.

د تیرو څو لسیزو په اوږدو کې مونږ شاهد یو چې، په نړۍواله کچه په ټولنیزو، سیاسي، اقتصادي او مدیریتي برخه کې بالعموم او او د کمپیوټر او ټکنالوژي په برخه کې بالخصوص د پام وړ بدلونونه راغلي دي او یادو بدلونونو په یو یا بل، مثبت یا منفي ډول، زموږ ژوند اغېزمن کړی دی. طبیعي ده چې دغو سترو او بنسټيزو بدلونونو افغانستان ته نوې ستونزې او ننګونې راوړي دي چې، د دغو ستونزو د حل او ننګونو ته د ځواب ویلو لپاره، د تطبیق وړ څېړنو پر مټ، د حل لارو لټولو سخته او عاجله اړتیا احساس کېږي. همدا راز، یوه مهمه تشه چې افغانستان ورسره لاس او ګرېوان دی دا ده چې، په هېواد کې د څېړنو برخه نه یواځې د کیفیت له مخې بلکه د شمېر له اړخه هم له کمبود سره مخ ده، او د هېواد اکادمیک قشر د نويو بدلونونو په تشخیص او ورسره د ځان عیارولو په هکله د پالیسي جوړونکو سره په مرسته کې پاتې راغلی دی. خو اوس هم وخت دی چې، د حساس او پېچلي وضعیت په پام کې نیولو، له پورته ذکر شوو ننګونو سره د مبارزې، او دوامداره پراختیا په موخه، د پالیسي جوړونکو سره د مرستې په پار څو اړخیزه تطبیقي څېړنې ترسره او هغوی ته په واک کې ورکړل شي.
بناء، به منظور ترویج فرهنگ تحقیق بین الرشتوی کاربردی در افغانستان و فراهم سازی فرصت ارائه تحقیقات برای محققان و متخصصین، استادان و محصلان، پوهنتون کاردان افتخار دارد که کنفرانس بین‌المللی تحقیقات بین الرشتوی کاربردی ۱۴۰۳ را تحت عنوانله همدې امله، په افغانستان کې عملي او تطبیقي څېړنو ته د ودې ورکولو او څېړونکو، متخصینو، استادانو او محصلینو ته د مقالو وړاندې کولو د یو فرصت په توګه، کاردان پوهنتون ویاړی چې، د ۱۴۰۳ لمریز کال، د مرغومي په ۱۰مه نېټه، په خپل مرکزي تالار کې بین الرشتوی تطبیقي څېړنو نړیوال کنفرانس "په افغانستان کې د دوامدارې پراختیا پر وړاندې ستونزې او ننګونې" تر سرلیک لاندې دایر کړي.
د دې کنفرانس اصلي موخه په افغانستان کې د موجودو ستونزو او ننګونو څېړل، په ټولنه باندې د هغوی د منفي (یا مثبتو) اغېزو ارزونه، د دغو ننګونو د بېلابېلو اړخونو څېړل او تر ټولو مهمه، د څو اړخیزو څېړنو له لارې دغو ستونزو ته ممکنه حل لارې برابرول دي.
مونږ ډاډمن یو چې، دا کنفرانس به د پالیسي جوړونکو، تصمیم نیونکو، علمي شخصیتونو، څېړونکو، متخصصینو، کارپوهانو او هغو افرادو له‌پاره چې د افغانستان د ستونزو د حل او په هېواد کې د دوامدارې پراختیا لپاره هاند او هڅې کوي، د علم د ایجاد او نشر یوه ارزښتناکه تجربه وي. موږ تاسو ته بلنه درکوو چې د دغه ارزښتناک ګام په بریالیتوب کې له مونږ سره شریک شۍ.

د کنفرانس موخې

• په افغانستان کې د موجودو ستونزو او ننګونو تشخیص او د هغوی د اغېزو ارزونه،
• د معاصرو اصولو په رڼا کې د تطبیقي څېړنو پر مټ د موجودو ستونزو او ننګونو د حل لارو پیشنهاد،
• د افغانستان د دوامدارې پراختیا په لار کې موجودو خنډونو تشخیص او حل لارو پیشنهاد، او
• په هېواد کې د تطبیقي څېړنو ترویج او څېړونکو ته د مناسبو فرصتونو برابرول.

د کنفرانس موضوع

د کنفرانس اصلي او فرعي محورونه

د اقتصاد، پانګه اچونې، بازارموندنې او مدیریتي علومو اړوند ستونزې، ننګونې، فرصتونه او د نړیوالو تجاربو د پلي کولو لارې چارې

نړیواله سوداګرۍ او پانګونه؛ اسلامي بانکوالي او پانګونه؛ کرنه؛ د اداراتو او پروسو عصري کول؛ ګرځندوی سکتور؛ نړیوالې مرستې او پراختیا؛ د دولت او خصوصي سکټور مشارکت؛ د اقتصاد، حکومتولۍ؛ وړو، کوچنيو او منځنيو (MSMEs) تشبثاتو ایجاد او پراختیا؛ صنعتي پراختیا؛ بهرنۍ پانګونه؛ کانونه؛ نړیوال اقتصاد؛ د نوښت پالیسۍ او اقتصاد؛ د ټولنیزې-اقتصادي پلان جوړونې علوم؛ د کیفیت ټولیز مدیریت (TQM) او د ارزښت پر بنسټ مدیریت؛ د نوښت مدیریت او پراختیا؛ عصري اقتصاد؛ پرمختیایي اقتصاد؛ د بشري سرچینو مدیریت؛ لوژسټیک (اکمالاتو) مدیریت؛ ضمانت شوې پانګونه؛ کوچنۍ پانګونه؛ مالي ټکنالوژي؛ بازار موندنه او د مصرف کوونکو وضعیت؛ ستراتیژیکه بازار موندنه؛ ټولنیزې رسنۍ او برښنایي بازارموندنه؛ د نوښت پربنسټ پانګه اچونه او بازار موندنه؛ د ټکنالوژۍ پر بنسټ نوښت؛ صنعتي مدیریت؛ د روغتیا مدیریت؛ مسلکي مدیریت؛ سټراتیژیک مدیریت؛ سازماني نظریات؛ د شرکتونو ټولنیز مسئولیت؛ د کسب او کار اخلاق؛ د مېلمه پالنې مدیریت؛ د بشري سرچینو مدیریت؛ د عملیاتو مدیریت؛ د پروژې مدیریت؛ د سازماني پراختیا او بدلون مدیریت؛ د تشبث مدیریت او پر ټکنالوژۍ ولاړه سوداګري؛ د ملګرو ملتونو د دوامدارې پرمختیا اهداف او افغانستان.

د کمپیوټر ساینس او ټکنالوژۍ اړوند ستونزې، ننګونې، فرصتونه او د نړیوالو تجاربو د پلي کولو لارې چارې

د څیزونو انټرنیټ (IoT) او په افغانستان کې د IoT کارول او ارزښت؛ مصنوعي ځیرکتیا او په افغانستان کې د هغه استعمال؛ د لویې ډېټا (Big Data) تحلیل او ارزونه؛ کلاوډ محاسبات؛ د شبکې امنیت؛ د معلوماتو امنیت؛ سایبري امنیت او بلاکچېن ټکنالوژي.

ټولنیزو او بشري علومو اړوند ستونزې، ننګونې، فرصتونه او د نړیوالو تجاربو د پلي کولو لارې چارې

د فقر او لوږې مخنیوی او کمول؛ انسان‌پېژندنه؛ د فرهنګونو خپلمنځي مطالعات؛ نفوس‌پوهنه؛ پرمختیایي مطالعات؛ تحصیل؛ اخلاق؛ جغرافیه؛ تاریخ؛ نړیوالې اړیکې؛ فلسفه؛ سیاسي علوم؛ د نفوسو مطالعات؛ ارواپوهنه؛ ټولیز مدیریت؛ ټولنپوهنه؛ ټولنیزه هوساینه؛ دیني مطالعات؛ سیاسي تاوتریخوالی او تروریزم؛ نړیوال امنیت او د دولت او غیر دولتي قوتونو ترمنځ د منازعاتو په‌اړه مطالعات.

د قانون او ژورنالیزم اړوند ستونزې، ننګونې، فرصتونه او د نړیوالو تجاربو د پلي کولو لارې چارې

په نړیوال قانون کې ستونزې، ننګونې او نوي پرمختګونه؛ بشردوستانه قانون؛ د بشر حقوقو قانون؛ د سوداګرۍ قانون؛ د نړیوالې پانګونې قانون؛ د چاپیریال قانون؛ موبایل ژورنالېزم؛ ډیجیټل ژورنالېزم؛ د عامو خلکو ژورنالیزم؛ د جزا قانون او جرم‌پېژندنه، د مصنوعي ځیرکتیا اړوند قانوني ننګونې؛ په اسلامي حقوقي سیسټم کې د بیان ازادي او نړیوال قانون او د آنلاین سوداګرۍ او ډیجیټل اسعارو له‌پاره قانوني چوکاټ؛ ژورنالیزم، اطلاعات او ۲۱مه پېړۍ.

د انجنیرۍ علومو اړوند ستونزې، ننګونې، فرصتونه او د نړیوالو تجاربو د پلي کولو لارې چارې

د انجنیرۍ په علومو کې معاصر نوښتونه؛ ساختماني انجنیري؛ د اوبو د سرچینو انجنیري؛ د ټرانسپورټ انجنیري؛ د اقلیم بدلون او د ساختماني انجنیرۍ نوښتونه؛ د جوړښتونو او چاپیریال لړزه‌ییز غبرګون او د زلزلې انجنیري؛ د بیا مصرف او نوښت وړ انرژي.