کاردان پوهنتون ویاړي، چې په افغانستان کې د ملګرو ملتونو د تلپاتې پراختیايي اهدافو SDGs د بنسټیز کېدو په موخه ملي کنفرانس جوړوي. دا کنفرانس د حکومتولۍ، تطبیق، مالي ملاتړ او ارزونې په برخو کې د یو لړ موضوعاتو د ژورې سپړنې او په افغانستان کې د ۲۰۳۰ زېږدیز کال لپاره د تلپاتې پراختیايي اجنډا د ترلاسه کولو په موخه جوړېږي. د دې لوی نوښت له لارې کاردان پوهنتون هڅه کوي، چې په خپلو ټولو اړوندو چارو کې تلپاتې پراختیا ته د رسېدو لپاره د ملګرو ملتونو له یادو اهدافو سره د خپلو فعالیتونو د نښلولو ژمنه عملي کړي.