کور / د لیسانس پروګرامونه / حقـــوقو کې لیسانس

حقـــوقو کې لیسانس

د پروګرام لنډیز

د کاردان پوهنتون د حقوقو پوهنځی محصلینو ته د حقوقو تحصیلي څانګې د اساسي او بنسټیزو مفاهیمو په تړاو اړینې او مسلکي زده کړې ورکوي او هغوی پر دې بریالي کوي، چې په حقوقي، عدلي او قضايي برخو کې خپلې کاري وړتیاوې او مسلکي پوهه په ښه دول وکاروي. ددې څانګې فارغان د تحصیلي دورې له پای ته رسېدو وروسته د هېواد د عدلي او قضايي بنسټونو په مختلفو سطحو کې د کار وړتیا لري او کولای شي د خپلو ترلاسه شویو مهارتونو او پوهې پرمټ ملي، سیمه ییزې او نړیوالې شخړې حل او فصل کړي.


کریدیټ سیستم

د نورو تحصیلي څانګو په څېر د حقوقو په پوهنځۍکې هم تدریس د کریدیټ سیستم پر بنسټ دی، چې محصلین کولای شي له خپلې خوښې او مالي وضعیت سره سم پکې مضمونونه وټاکي. کریډیټ یو نړیوال منل شوی درسي سیستم دی، چې له محصلینو سره د علمي او عملي وړتیاو په لوړولو کې مرسته کوي او دغه راز هغوی ته د تحصیلي دورې د وخت مدیریت او د لاښه پرمختګ واقعي فرصتونه برابروي.

د مضمونونو ډلبندي د کریډیټونو شمېر
الزامي مضمونونه 80
ځانګړي تخصصي مضمونونه 16
عمومي مضمونونه 36
مونوگراف 6
مجموعه 138

مالي مالومات

کاردان پوهنتون له نړیوالو سټنډردونو څخه په ګټه اخیستو باکیفیته لوړې زده کړې وړاندې کوي. د پروګرام د لګښت چوکاټ لوړ علمي کیفیت او مډرنو تدریسي سټنډردونو ته په پام ترتیب شوی دی. دې بنسټ تل هڅه کړې، چې ټولو ته په یو ډول د لوړو زده کړو آسانتیاوې برابرې کړي. کاردان پوهنتون د هغو کسانو لپاره، چې له مالي اړخه کمزوري او په ورته مهال غواړي لوړې زده کړې وکړي؛ د تحصیلي بورسیو او مالي مرستو له لارې د پام وړ آسانتیاوې برابرې کړي، څو وکولای شي له دې لارې هم خپلو زده کړو ته دوام ورکړي او هم د ودې او پرمختګ سبب وګرځي. په ۱۳۹۷ کال کې د کاردان پوهنتون له لوري د ۲۲ میلیونه افغانیو په ارزښت شاوخوا ۱۵۰۰ محصلینو له یادو خدمتونو ګټه اخیستې ده. په ۱۳۹۸ کال کې دغه پیسې ۳۴ میلیونو افغانیو ته لوړې شوي او په پام کې ده، چې نژدې ۲۴۰۰ محصلین له دې خدمتونو ګټه واخلي.

تحصیلي څانګه حقـــوقو کې لیسانس
د هر کریډیټ فیس 3500 افغانۍ
د داخلې فیس 1000 افغانۍ په هر سمسټر کې
میاشتنی اوسط فیس 10,063 افغانۍ
د بشپړې تحصیلي دورې فیس 491,000 افغانۍ

آسانتیاوې

کاردان پوهنتون د تر ټولو غوره فزیکي او ټکنالوژیکي سرچینو درلودونکی دی، چې درسي ټولګي، تمثیلي محکمه، لابراتوارونه، د کنفرانسونو تالار، د مطالعې خونې او نور پکې شاملېږي. د کاردان پوهنتون کتابتونونه پر ټولو مالوماتي سرچینو سمبال دي، چې په ټولیز دول ۵۵۰۰ ټوکه چاپي کتابونه او څه باندې ۶۰۰ زره ټوکه ډیجیټالي کتابونه، علمي مقالې، څېړنیز آثار او نورې مالوماتي سرچینې لري.


د مالوماتي پاڼې ډانلوډ

ویډیوګانې


خبرونه


د کاردان پوهنتون د اوومې دورې فراغت‌جشن جوړ شو

د کاردان پوهنتون د لیسانس او ماسټري پروګرامونو د اوومې دورې فراغت‌غونډه د یو لړ ځانګړو پرتمینو مراسمو په ترڅ کې د لوړو زده کړو وزارت د لوړ پوړو چارواک...

د حقوقو پوهنځي محصلینو له پلچرخي بندخونې څخه لیدنه وکړه

د کاردان پوهنتون د حقوقو پوهنځي ګڼ شمېر محصلینو د جزاپېژندنې مضمون د بحث وړ بېلابېلو مواردو د لا ښه پوهاوي او د بندیانو د وضعیت څېړلو په موخه له پلچرخ...

کاردان پوهنتون د تحصیلي نصاب د بیاکتنې تخصصي ورکشاپ جوړ کړ

د کاردان پوهنتون د تحصیلي نصاب د بیا کتنې تخصصي ورکشاپ د پوهنتون د مشرتابه پلاوي، استادانو، محصلینو، فارغانو او د لوړو زده کړو وزارت د نصاب برخې د متخ...