د کاردان پوهنتون د کارموندنې خدمتونو دفتر د خپلو ځانګړو پرمختیايي پروګرامونو او روزنیزو ورکشاپونو د جوړېدو پرمټ له محصلینو او فارغانو سره مرسته کوي، چې خپلو کاري موخو ته په ښه ډول ورسېږي. کاردان پوهنتون شخصي او کاري بریالیتوبونو ته په رسېدو کې له تاسو سره مرسته او همکاري کوي.
ددې برخې مسلکي کارکوونکي د هغو فارغانو لپاره، چې غواړي عملاً کاري ساحې ته ننوزي او دا چې څنګه خالي بستونو پیدا او د هغو مطابق سي.وي جوړه او کاري مرکه وکړي؛ روزنیزې آسانتیاوې برابروي. دغه روزنیزې آسانتیاوې د کاردان پوهنتون له فارغانو سره مرسته کوي، چې په لنډ ممکن وخت کې د دندې څښتن شي.