خبرونه

کور / خبرونه

د اقتصاد او ټولنیزو علومو د علمي ژورنالونو نوې ګڼې خپرې شوې

د کاردان پوهنتون د اقتصاد او مدیریتي علومو د دویم ټوک لومړۍ او دویمه ګڼه او د ټولنیزو او انساني علومو د دویم ټوک لومړۍ ګڼې چاپ او د یو لړ ځانګړو مراسمو په ترڅ کې یې مخکتنه وشوه.

د یادو مراسمو د جوړېدو موخه د کاردان پوهنتون د څېړنیزې ډلې او د څېړنۍ او پراختیا ډیپارټمنټ د جدي هلو ځلو ستاینه او قدردانی و. په یادو دواړو ژورنالونو کې د کاردان پوهنتون د څېړنیزې ډلې لیکنې چې تر ډېره د افغانستان د اقتصادي او ټولنیزو برخو په تړاو دي؛ خپرې شوې دي.

د کاردان پوهنتون عمومي رییس ښاغلي رویین رحماني په یاده غونډه کې وویل: « د کاردان پوهنتون له پیل تر دې مهاله موږ په بېلابېلو برخو له هغې ډلې په څېړنه او نوښت کې د پام وړ لاسته راوړنې لرو. موږ ویاړو، چې د پوهې د تولید، د زده کړو کیفیت د لوړېدو او په افغانستان کې د لوړو زده کړو سکټور باندې د مثبتې اغېزې لپاره دا ماموریت پر غاړه اخلو.»

د کاردان پوهنتون د څېړنې او پراختیا ډیپارټمنټ مسوول نصیرالحق وانی بیا وايي: « څېړنې په هر هېواد کې د علمي سټنډرډونو د پیاوړتیا لپاره خورا مهمې ګڼل کېږي. په علمي نړۍ کې د پاتې کېدو لپاره تاسو اړ یئ، چې په لوړ کیفیت څېړنیزې لیکنې خپرې کړئ.»

په یادو دواړو ژورنالونو کې د افغانستان د سوداګرۍ، له پاکستان څخه د افغان کډوالو د راستنېدو او د هېواد په دولتي او خصوصي بانکونو کې د کرېډیټ مدیریت او نورو بېلابېلو اقتصادي او ټولنیزو برخو په اړه د کاردان پوهنتون د څېړن ډلې او محصلینو لیکنې خپرې شوې دي.


شریک یي کړئ


اړوند موضوعات

په اداره او تجارت کې ماسټري په نړیوالو اړیکو کې ماسټري اقتصاد کې لیسانس په سیاسي علومو کې لیسانس ژورنالیزم کې لیسانس