| نېټه |
27 November, 2019 |
| وخت |
هر مهال |
| ځای |
د کاردان پوهنتون ټولې څانګې |
| شریک یې کړۍ |
|
د ژمي له رارسېدو سره هوا خورا سړه شوې او ټول ګرمو ژمنیو جامو ته اړتیا لرو. کله چې پوهنتون ته راځئ د سړک پر سر مو هغو کاریګرو ماشومانو او لویانو ته پام کړئ، چې له ډېرې یخنۍ یې مخونه ترکېدلي او مناسبې جامې نلري.
د کاردان پوهنتون د رضاکارانو ټولنه له همدې امله د څلورم ځل لپاره د «یوه مسکا، یوه ډالۍ» کمپاین پیلوي، چې په ترڅ کې به د بې وزلو ماشومانو او لویانو لپاره ژمنۍ جامې، بوټونه او نور د اړتیا وړ توکي را ټول شي.
د کاردان پوهنتون په ټولو څانګو کې د یوې ډالۍ یوې مسکا صندقونه ایښودل شوي او له ټولو محصلینو هیله کېږي، چې د جامو او نورو ژمنیو توکو په ډالۍ کولو سره په دې خیریه کمپاین کې ونډه واخلي.
ستاسو یوه ډالۍ، یوه ګرمه مسکا له ځان سره لري.