په نړیوالو اړیکو کې ماسټري

د نړیوالو اړیکو د ماسټرۍ پروګرام دوه تحصیلي څانګې «نړیواله سوداګري او اقتصادي پراختیا» او «سوله او د شخړو حل» لري. د ماسټرۍ دا دوره د هغو محصلینو لپاره، چې له ورته څانګې فارغ وي؛ دوه کاله او د رشتې خلاف محصلینو لپاره دوه نیم کاله ده، چې په حضوري دول مخ ته وړل کېږي.

تحصیلي لګښت د هغو کریډیټونو پر بنسټ دی، کوم چې د یوه سمسټر په ترڅ کې یې زده کوئ. د ورته څانګې محصلین باید د دوو کلونو په موده کې ۴۲ کریډیټونه او د رشتې خلاف محصلین باید په دوه نیمو کلونو کې ۶۰ کریډیټونه پوره کړي. دغه راز هغه محصلین، چې په یو ځل د خپل تحصیلي لګښت د ورکړې توان نلري کولای شي په شپږ میاشتنیو قسطونو کې خپل لګښت ورکړي. کاردان پوهنتون په ۱۳۹۹ کال کې د نویو شاملېدونکو محصلینو لپاره بورسیې او مالي کمکونه هم په پام کې نیولي دي. دغه بورسیې د اړمنو، ممتازو او هغو محصلینو لپاره دي، چې په یو ځل د خپل تحصیلي لګښت د ورکړې توان نلري او له هغوی سره مرسته کوي، چې په کاردان پوهنتون کې خپلو زده کړو ته دوام ورکړي.