کور / د لیسانس پروګرامونه / اقتصاد کې لیسانس

اقتصاد کې لیسانس

د پروګرام لنډیز

اقتصاد د دولتونو، شرکتونو او مصرف کوونکو له لوري د سرچینو د تخصیص پر څرنګوالي د تصمیم نیونې مطالعه ده. دغه راز اقتصادي مطالعات د مالي بازارونو او اقتصادي سیستمونو په تړاو د ملي او نړیوالو پالیسو تحلیل او ارزونه کوي.


د پروګرام شرحه

د کاردان پوهنتون د اقتصاد پوهنځي د محصلینو د مسلکي پوهې او مهارتونو د پراختیا لپاره د عمومي، الزامي او تخصصي مضمونونو په درلودلو سره یو منظم درسي نصاب چمتو کړی، چې پرمټ یې کولای شي هغوی په اقتصادي بنسټونو کې کار او فعالیت ته چمتو کړي. د کاردان پوهنتون په اقتصاد پوهنځي کې د تدریس ژبه انګلیسي ده. د اقتصاد څانګې له مضمونونو سره د لا ډېرې بلدتیا په موخه ددې څانګې د مضمونونو کتلاګ له مخامخ برخې ډانلوډ کړئ.


تخصصي دوره

د کاردان پوهنتون د اقتصاد پوهنځی محصلینو ته چې په مالي چارو او عمومي اقتصاد برخه کې د ځانګړو تخصصي مهارتونو په لټه کې وي؛ تخصصي درسي دوره وړاندې کوي. محصلین کولای شي د تحصیلي دورې په وروستیو سمسټرونو کې ځانګړي تخصصي مضمونونه وټاکي.

د کاردان پوهنتون د اقتصاد پوهنځي د درسي دورو کاتولوګ په لاندې ډول کتلی شئ:

د مضمونونو ډلبندي د کریډیټونو شمېر
الزامي مضمونونه 80
ځانګړي تخصصي مضمونونه 16
عمومي مضمونونه 36
مونوگراف 6
مجموعه 138

مالي مالومات

کاردان پوهنتون له نړیوالو سټنډردونو څخه په ګټه اخیستو باکیفیته لوړې زده کړې وړاندې کوي. د پروګرام د لګښت چوکاټ لوړ علمي کیفیت او مډرنو تدریسي سټنډردونو ته په پام ترتیب شوی دی. دې بنسټ تل هڅه کړې، چې ټولو ته په یو ډول د لوړو زده کړو آسانتیاوې برابرې کړي. کاردان پوهنتون د هغو کسانو لپاره، چې له مالي اړخه کمزوري او په ورته مهال غواړي لوړې زده کړې وکړي؛ د تحصیلي بورسیو او مالي مرستو له لارې د پام وړ آسانتیاوې برابرې کړي، څو وکولای شي له دې لارې هم خپلو زده کړو ته دوام ورکړي او هم یې د ودې او پرمختګ سبب وګرځي. په ۱۳۹۷ کال کې د کاردان پوهنتون له لوري د ۲۲ میلیونه افغانیو په ارزښت شاوخوا ۱۵۰۰ محصلینو له یادو خدمتونو ګټه اخیستې ده. په ۱۳۹۸ کال کې دغه پیسې ۳۴ میلیونو افغانیو ته لوړې شوي او په پام کې ده، چې نژدې ۲۴۰۰ محصلین له دې خدمتونو ګټه واخلي.

تحصیلي څانګه اقتصاد کې لیسانس
د هر کریډیټ فیس 3500 افغانۍ
د داخلې فیس 1000 افغانۍ په هر سمسټر کې
میاشتنی اوسط فیس 10,063 افغانۍ
د بشپړې تحصیلي دورې فیس 491,000 افغانۍ

د مالوماتي پاڼې ډانلوډ

ویډیوګانې


خبرونه


کاردان پوهنتون د تحصیلي نصاب د بیاکتنې تخصصي ورکشاپ جوړ کړ

د کاردان پوهنتون د تحصیلي نصاب د بیا کتنې تخصصي ورکشاپ د پوهنتون د مشرتابه پلاوي، استادانو، محصلینو، فارغانو او د لوړو زده کړو وزارت د نصاب برخې د متخ...

د محصلینو د تولیداتو شپږم نندارتون جوړ شو

د کاردان پوهنتون د اقتصاد پوهنځي د ادارې او تجارت او اقتصاد څانګو د محصلینو د تولیداتو شپږم نندارتون جوړ شو. په دې یو ورځني نندارتون کې د صنعت او سودا...

د ملګرو ملتونو د رضاکارانو پروګرام محصلینو ته د عملي کار آسانتیاوې برابروي

د کاردان پوهنتون د اقتصاد پوهنځی د ملګرو ملتونو د پراختیايي پروګرام (UNDP) په همکارۍ د دې سازمان د رضاکارانو ډلې کوربه و. د یادې لیدنې په ترڅ کې د ملګ...