کور / د لیسانس پروګرامونه / په سیاسي علومو او نړیوالو اړیکو کې لیسانس

په سیاسي علومو او نړیوالو اړیکو کې لیسانس

د پروګرام لنډیز

د کاردان پوهنتون د سیاسي علومو او نړیوالو اړیکو ډیپارتمنټ تل په دې لټه کې دی، چې محصلینو ته د سیاسي نظریو او د سیمه ییزو او نړیوالو چارو په اړه اړین او تازه مالومات ورکړي. دا څانګه له محصلینو سره مرسته کوي، چې د بېلابېلو کورنیو او نړیوالو سیاسي مسایلو په اړه خپله د پوهې او درک قوه پیاوړې کړي.

د یادې څانګې لوستي له فراغت وروسته کولای شي د هېواد په بېلابېلو دولتي بنسټونو له هغې ډلې د بهرنیو چارو وزارت، سفارتونو، سیاسي استازولیو، سازمانونو او د ستراتیژیکو مطالعاتو په څېړنیزو مرکزونو کې کار او فعالیت وکړي.


د کریډیټ سيستم

د سیاسي علومو او نړیوالو اړیکو په څانګه کې د نورو تحصیلي څانګو په څېر د کریډیټ سیستم پر بنسټ تدریس کېږي، چې محصلین کولای شي له خپلې خوښې او مالي وضعیت سره سم پکې مضمونونه وټاکي. کریډیټ یو نړیوال منل شوی درسي سیستم دی، چې له محصلینو سره د علمي او عملي وړتیاو په لوړولو کې مرسته کوي او دغه راز هغوی ته د تحصیلي دورې د وخت مدیریت او د لاښه پرمختګ واقعي فرصتونه برابروي.

د مضمونونو ډلبندي د کریډیټونو شمېر
الزامي مضمونونه 80
ځانګړي تخصصي مضمونونه 16
عمومي مضمونونه 36
مونوگراف 6
مجموعه 138

مالي مالومات

کاردان پوهنتون له نړیوالو سټنډردونو څخه په ګټه اخیستو باکیفیته لوړې زده کړې وړاندې کوي. د پروګرام د لګښت چوکاټ لوړ علمي کیفیت او مډرنو تدریسي سټنډردونو ته په پام ترتیب شوی دی. دې بنسټ تل هڅه کړې، چې ټولو ته په یو ډول د لوړو زده کړو آسانتیاوې برابرې کړي. کاردان پوهنتون د هغو کسانو لپاره، چې له مالي اړخه کمزوري او په ورته مهال غواړي لوړې زده کړې وکړي؛ د تحصیلي بورسیو او مالي مرستو له لارې د پام وړ آسانتیاوې برابرې کړي، څو وکولای شي له دې لارې هم خپلو زده کړو ته دوام ورکړي او هم د ودې او پرمختګ سبب وګرځي. په ۱۳۹۷ کال کې د کاردان پوهنتون له لوري د ۲۲ میلیونه افغانیو په ارزښت شاوخوا ۱۵۰۰ محصلینو له یادو خدمتونو ګټه اخیستې ده. په ۱۳۹۸ کال کې دغه پیسې ۳۴ میلیونو افغانیو ته لوړې شوي او په پام کې ده، چې نژدې ۲۴۰۰ محصلین له دې خدمتونو ګټه واخلي.

تحصیلي څانګه په سیاسي علومو او نړیوالو اړیکو کې لیسانس
د هر کریډیټ فیس 3500 افغانۍ
د داخلې فیس 1000 افغانۍ په هر سمسټر کې
میاشتنی اوسط فیس 10,063 افغانۍ
د بشپړې تحصیلي دورې فیس 491,000 افغانۍ

د مالوماتي پاڼې ډانلوډ

ویډیوګانې


خبرونه


کاردان پوهنتون په آنلاین بڼه خپل غوره محصلین وستایل

کاردان پوهنتون، د کوویډ-۱۹ ناروغۍ له امله د رامنځ ته شوي ننګونکي چاپېریال په ترڅ کې خپل یو مهم پروګرام، چې د غوره محصلینو ستاینغونډه ده، په آنلاین بڼه...

د روژې مبارکې میاشتې د فضلیت په تړاو آنلاین سیالي جوړه شوه

د کاردان پوهنتون د اقتصاد او د تجارت ادارې ډیپارټمنټونو د لومړي ځل لپاره د روژې مبارکې میاشتې د فضلیت په تړاو د محصلینو د علمي سویې د لوړولو په موخه آ...

د کُرونا ننګونه او فرصت: د کاردان تجربه

د کرونا ویروس له امله د راغلي کړکېچ په تړاو ډېری د نظر خاوندان بحثونه کوي. د پام وړ برخه د نظر خاوندان پر دې باور دي چې له کرونا وروسته نړۍ به له کرون...