د کاردان پوهنتون د ژورنالېزم ډیپارټمنټ، د کاردان پوهنتون د سټراتیژۍ پر بنسټ او له نوي او مډرن نصاب څخه په ګټه اخیستو په اطلاع رسونې، عامه پوهاوي، ټولیزو زده کړو او نورو اړوندو برخو کې متخصص او مسلکي کادرونه روزي او ټولنې ته یې د خدمت په موخه وړاندې کوي.
د کادران پوهنتون د ژورنالېزم ډیپارټمنټ ژمن دی، چې محصلین د ژورنالېزم له پرمختللیو او بنسټیزو ژانرونو او معیارونو سره بلد کړي او ترڅنګ یې د لیکوالۍ مینه، انتقادي فکر او د ټولنې له بېلابېلو اړخونو سره د اړیکو وړتیا او مهارتونه پکې وروزي. په دې تحصیلي دوره کې به محصلین د نني عصر د ټولیزو اطلاعاتي وسایلو په اړه مهم مالومات ترلاسه او ددې وړتیا به ومومي، چې په چاپي، غږیزو او تصویري رسنیو کې کار او فعالیت وکړي.